ඔටෝමැටික් පෝටබල් කියුට් fans තියෙනව ද මල්ලි

අවුරුදු කීපයකට කලිං පට්ට රස්නෙ කාලයක් තිබ්බනේ. ඒ කාලෙ පාසල්ගෙ නෑයො සෙට්ටෙහෙකුත් රට ඉඳං ඇවිල්ලා. එයාලට ලංකාව සෑහෙන රස්නෙයි. පාසල් ඉතිං එයාලව එහෙ මෙහෙ එක්කං යනවා. දවසක් පාසල්ල ඔය නෑයො සෙට්ටෙකත් එක්ක ගෙදර ඉන්න වෙලේ සේල්ස් රෙප් මල්ලි කෙනෙක් ගැජමැටික්ස් ටිකකුත් උස්සගෙන ගෙයින් ගෙට මාකටිං පාර දාගෙන යන ගමං මෙහෙටත් ආව. රට ඉඳං ආපු බාප්පලට ඉතිං ඔහොම අය ආවම හරි ආසයි. එයාලත් ඉතිං මේ මල්ලිව වට කරගෙන එයා ගාව තියෙන ගැජමැටික්ස් ටික ගැන අහනවා. මේ අස්සෙ පාසල් ඉතිං කට්ටියට එක දාගන්න කියලා මල්ලිගෙන් වැදගත් දෙයක් ගැන ඇහුවා.

පාසල් : පට්ට රස්නෙයි නේ ඔයාල ගාව පොඩි fan එහෙම තියෙනව ද?
සේල්ස් රෙප් : ඔව් සර්.. තියෙනවා. අතේ තියාගෙන ඉන්න පුළුවන් එකක්ක් තියෙනව. ඒක හොඳයි සර්.
බාප්පා, පුංචි : ෂා.. කෝ ගන්න බලන්න.

දැං ඉතිං මේ සේල්ස් රෙප් මල්ලි ගාව තියෙන පෝටබල් fan එක අර උස්සගෙන ආපු පෙට්ටියේ අස්සකින් ඇදල ගත්ත. පෝටබල් කිව්වට මේක ටිකක් ලොකු පෙට්ටියක්. ඒ පෙට්ටියෙ හැටියට නම් fan එක උස්සං ඉන්න අත් දෙකම ඕනෙ පාටයි. ඩම්බෙල් 1ක් උස්සන් ඉන්නව වගේ තමයි ඒක උස්සං ඉන්න වෙන්නේ.
සේල්ස් රෙප් : සර් මේ තමයි දැනට මාකට් එකේ තියෙන fast මූවිං අය්ටම් එක මේ රෂ්නෙ කාලෙ නිසා මේක හුඟක් පාරිබෝගිකයො ගන්නවා. මේක පැය 48ක් එක දිගට ON කරගෙන ඉන්න පුලුවන් පොඩි පෙන්ටෝච් බැටරියකින්

බාප්පා, පුංචි : ශා.. ෂෝක් නේ.. කොහොම ද මේ වැඩ කරන්නේ?

සේල්ස් රෙප් මල්ලි ඉතිං ඔය ඔක්කොම කිව්වේ අර අත් දෙකෙන්ම උස්සල ගත්තු පෙට්ටියත් අතේ තියාගෙනයි. ඔය පෙට්ටිය ඇරල පොඩි සුදු පාට හුරුබුහුටි ප්ලාස්ටික් fan එකක් අරං පෙන්නුවා. පාසලුත් ඉතිං දැක්කෙ ගමං ඒක අතට එහෙම ගන්න ලෑස්ති උනා. මල්ලි ඉතිං ඒක පාසල්ට නොදී අතේ තියාගෙනම ON කරල පෙන්නුවා. අනේ අපොයි.. එකෙන් එන හුළං පාරට දාඩිය පොදක්වත් අඩුවෙන්නෙ නෑ. මූ මේක ගැනනේ මෙච්චර වෙලා පම්පෝරි ගගහ කියල තියෙන්නේ.

පාසල් : අපෝ මල්ලි.. මේකෙන් පුකේ වහන මැස්සෙක්වත් එලවන්න බැහැනේ
සේල්ස් රෙප් :
නෑයො සෙට්ටෙක :  

කොහොම උනත් රෙප් මල්ලිට පාඩුවක් නම් උනේ නෑ. මෑන්ස්ගේ මාකටින් පාරට බාප්පල පොඩි පොඩි ගැජමැටික්ස් ටිකක් එහෙම ගත්තා.