ඔයා interview පාස් appointment letter එක ගන්න එන්න

පාසල්ගේ කලින් ofis එකේ සෙට් පිටින් අස්වෙන්න පටං ගත්තා කො‍ටු-කො‍ටු-කො‍ටු-කො‍ටු-කො‍ටු-කො‍ටු (බලධාරිණිය විසිං කැපුවා) වගේ හේතු හුඟාක් නිසා. ඒකට කමක් නෑ. ඔය interview වලට ගියාම අමුතු අමුතු ප්‍රශ්න වැලක් විතර අහනවනේ. Program එකේ bug count එක වැඩි උනාම Queen Latifa'ව බයිසිකලේ මැද පොල්ලේ වාඩිකරගෙන කන්ද පාගපු සචියත් සෑහෙන interviews වලට යන්න පටං ගත්තා. බුවා ඇවිල්ල අමුතුම ඩයල් එකක්. වැඩිය කවුරුත් එක්ක කතාවට යන්නෙ නෑ. තමංගේ පාඩුවේ වැඩක් කරගෙන ඉන්නවා. පාසල්ල එක්ක සෙට් වෙලා පොඩි පොඩි project කීපයක් කරනකොට තමා බුවා පොඩ්ඩක් විතර කතා කරන්න අරගෙන ලාවට වගේ social උනේ. දවසක්;

සචී : මේ පාසල්.. උඹ interviews යනවද?
පාසල් : Without without!
සචී : මොකෝ උනේ ඉතිං? නැද්ද තාම එකක් හරියට සෙට් උනේ?
පාසල් : නෑ බං technical මදි කිව්වා. ඉල්ලපු ගාන වැඩී කිව්වා. සමහරක් උන් interview කෝල් කලෙත් නෑ. සමහරක් උන් ඕනේ ගාන අහගෙන ආයෙත් කතා කරන්නං කියල ආගිය අතක් නෑ.
සචී : අනෙ මෙහ්.. පලයං.. බයිල ගහන්නැතුව.

ඇත්තටම ඉතිං හුඟක් තැන්වලින් පාසල්ව ගත්තෙ නෑ නාකි හින්දා.

සචී : ඒකට මුලිං පොඩි ගානක් කියපං. එතකොට උන් ගන්නවා. Select කරගත්තට පස්සේ උන් call කරල කියනවනේ "ඔයාව අපි select කරගත්තා appointment letter එක ගන්න එන්න" කියලා. එතකොට කියපං "මේහ් පිස්සු කෙලින්න එපා. මට ඒ ගානට එන්න බෑ. මට දැං මෙච්චරක් ඕනේ" කියලා වැඩි කරගනිං ලොකු කුට්ටියක්.

පට්ට advice එක ඒ වගේ බුවෙක් පාසල්ට මීට කලින් අහම්බෙන්වත් හම්බුවෙලා තිබ්බෙ නෑ. ඔය වගේ පාසල් එක්ක තවත් එකෙක් හිටියා "බෙහෙතා" කියලා. ඌත් ඉන්ටවිව් ගිහින් ඇවිත පට්ට කතා කියනවා.

Interview කරන බුවා : ඔයා කොහොමද මේ project එකේ security දැම්මේ?
බෙහෙතා : Mmm.. අහ් ඒකේ අපි log in වෙන්න page එකක් දැම්මා.
Interview කරන බුවා :

ඕක තමා බුවා මොනවා ඇහුවත් කියන්නේ. අන්තිමට interview කරන බුවාට මුගේ log in page එක ගැන අහල එපා වෙලා security ගැන අහන එක නැවැත්තුවා

Interview කරන බුවා : Ok, මේකේ mobile එකේ සීන් එක කොහොමද කලේ කියන්න බලන්න.
බෙහෙතා : ඒක අපි මුලින්ම user'ට log in වෙන්න කියනවා. අර මං කලින් කිව්ව log in screen එකෙන්. ඊට පස්සේ එයාට වැඩේ කරගෙන යන්න පුලුවන්.
Interview කරන බුවා : ඔව් හරි. කොහොමද ඒක කලේ?
බෙහෙතා : අහ් ඒක අපි නෙමේ කලේ. ඒක වෙන කොම්පැනියක් කලේ.
Interview කරන බුවා :

බුවා ආපු ගමන්ම පාසල්ලත් එක්ක ඔය සීන් එක කිව්වා. සචියත් ඉතිං ඕක හොඳට අහගෙන හිටියා.

සචී : උඹට එහෙම නෙමේ බං කියන්න තිබ්බේ
පාසල් : එහෙනං කොහොමද?
සචී : උඹට කියන්න තිබ්බ, උඹ එහෙට යනකොටත් ඒකේ security දාලා තිබ්බේ, ඇතුල්වෙන ගේට්‍ටුව ගාව security room එකක් තියේ, එතන ඉන්නව security දෙන්නෙක්, උන් ඔක්කොම චෙක් කරලයි යන්න දෙන්නේ, කාටවත් එහෙම නිකං ඇතුලට යන්න බෑ කියලා.
පාසල්, බෙහෙතා :

පොඩ්ඩක් හිතපං. ඔහොම උත්තරයක් දුන්නොත් එහෙම interview එකේ කොහොමට හිටී ද කියලා.